Homo sapiens

O ser humano, a vegatas dito chenericament hombre, anque ixe termin puet aplicar-se también especificament a los individuos de sexo masculín, ye actualment dende o punto d'anvista biolochico una sola especie d'o chenero Homo, aintro d'a familia d'os Hominidae, en l'orden d'os primates, nativo orichinalment d'Africa, encara que dimpués se fue estendillando enta a resta d'o mundo. O conchunto de personas u o chenero humano tamién se conoixe con a denominación chenerica d'humanos y humanidat. Os sers humanos poseyen capacidaz mentals que les permiten inventar, aprender, emplegar estructuras lingüisticas complexas, adquirir y amillorar as suyas habilidaz lochicas, matematicas, d'escritura, musicals, entre atras. Os seres humanos son animals socials, capables de concebir, transmitir y aprender conceptos totalment abstractos.