- Iste articlo tracta sobre a espiga d'os cerials, en termins d'agricultura. Ta o tipo d'inflorescencia, se veiga espiga (inflorescencia).
A espiga (d'o latín <spica), popularment tamién dita cabeza, ye o extremo superior d'o tallo en as plantas poacias u graminias cuan fan a florada y fructifican, especialment en os cerials domesticos.
En os cerials forma una estructura clarament delimitada a on que se troba os grans individuals, a simient; fruitos simples de tipo aquenio que caracterizan a todas as graminias. As simients van pilladas en un palluzo u pallofa individual, que en bellas especies presenta una aliestra mas u menos larga y que ye sésil sobre o tallo central u raquis.
A l'acción de comenzar a producir a espiga os cerials se le diz «cabezar», y a planta de cerial que tiene espiga, sia encara verde u seca, se diz que ye «cabezada» (y o cerial, «cabezau»).
Ditos y mazadas
- «Con espigas tiesas ni pan pa las mairalesas»
